Category: Albisteak

Bakartxo Ruiz: Zentsura mozioa aurkeztea erabaki ausarta da, erabat logikoa eta justifikagarria

Api 18 2013
nafarroa
0 Comments

Bakartxo Ruiz parlamentariak zentsura mozioa eta Juan Carlos Longásen hautagaitza defendatzeko erabilitako diskurtso osoa:

Esta es la primera moción de censura que se presenta en este Parlamento contra un presidente del Gobierno, en este caso, presidenta.

Y es un orgullo defenderla, porque la moción de censura que presentamos Bildu-Nafarroa y Aralar-Nabai es necesaria. Es necesaria porque responde al hartazgo que existe en la sociedad Navarra ante la nefasta situación que ha creado el Gobierno de UPN. Una situación nefasta, que ha traído graves consecuencias.

Una moción de censura en la que proponemos a Juan Carlos Longás como candidato. El candidato idóneo, como parlamentario independiente dentro del grupo Aralar-Nabai, ya que refleja el sentido abierto de esta iniciativa.

Una moción de censura que va a contar con el apoyo anunciado de otros grupos y, al mismo tiempo, y sobre todo,  que tiene el apoyo de la mayoría de la sociedad navarra que está harta y ha exigido en numerosas ocasiones la dimisión de Yolanda Barcina y que se dé la palabra a la sociedad convocando elecciones.

Presentar esta moción de censura es una cuestión, en primer lugar, de dignidad y responsabilidad democrática. Pasamos de las palabras a los hechos; de pedir su dimisión, a lo que usted se niega, a posibilitar la misma. Mediante el único instrumento efectivo del que disponemos en el Parlamento.

Zentsura mozioa aurkeztea ongi pentsatutako erabakia da. Erabaki ausarta da, bai, baina erabat logikoa eta justifikagarria ere bai. Zenbat arrazoi ditugun zentsura mozioa aurkezteko? Zerrenda amaiezina da. Arrazoiak asko eta askotarikoak dira.

Nagusiki, egoera ekonomikoari aurre egiteko erakutsitako ezintasuna eta ezgaitasuna. Eta, horrekin batera, demokrazia aintzat ez hartzea. Parlamentuak eta jendarteak eskatzen duenari muzin egitea. Eta azken tanta: inguruan dugun iruzur usaina.

Ia bi urte egin ditu gobernu honek. Bi urte hauetan adierazle ekonomikoek agerian utzi dute UPNren Gobernuaren porrota: murrizketak, langabezia tasa, pobrezia adierazleak… Baina zenbakietatik haratago, pertsonak daude. Langabezian dauden pertsonak gero eta gehiago dira, ia 57.000 pertsona, Nafarroako Gobernuaren ezgaitasunagatik.

Onartutako ehunka erregulazio espedienteen bidez, fabriketako langileak kaleratu dituzue. Sukaldeko langileak kaleratu dituzue. Erizainak ari zarete kaleratzen. Irakasleak ari zarete kaleratzen. Garbiketako langileak ari zarete kaleratzen. Kolektibo ahulenak kaltetzen, azken batean. Eta honekin guztiarekin, pobreziaren feminizazioa areagotzen, etengabe.

Ze neurri hartu dituzu, Barcina presidentea, langabetuen kopurua murrizteko? Ze neurri hartu dituzu langabetuek pairatzen duten egoera larriari irtenbidea emateko? Ze neurri hartu dituzu benetan gaizki pasatzen ari diren pertsonei babesa emateko? Zein neurri hartu dituzu emakumeen aukera berdintasuna bermatzeko?

Nik esanen dizut. Politika sozialak eta zerbitzu sozialak murriztu. Ikusgarria, dependentziaren alorrean, berdintasun politiketan… Egoera larrian bizi diren pertsonei oztopoak eta trabak baino ez jartzea, bere bizitza duintasunez aurrera eraman ahal izateko.

Zuen politikaren baitan hartutako neurriek ondorio kaltegarriak, latzak dituzte. Eta hori aldez aurretik jakinda ere, neurriok hartu dituzue. Berariaz hartu dituzue. Izan ere, neurri hauen atzean zuen erabaki politikoak daude. Krisi ekonomikoaren aitzakiapean hartutako erabaki politikoak. Eta horrekin, nafar gehienon bizi kalitatea kaltetu duzue larriki. Baina hori bazenekiten, badakizue. Halere, jarraitzen duzue esaten neurriok hartzea saihestezina dela, ez dagoela beste biderik. Eta jendartea erresignaziora kondenatu nahi duzue.

Kosta ahala kosta, defizitari eustea da lehentasuna. Eta horren baitan murrizketen politika latzari heldu diozue. Madrileko Gobernuarekin bat eginez, beharrezkoak diren zerbitzu publikoak murriztu dituzue. Hezkuntza publikoko sektore guztiek pairatu dituzte zuen politika murriztatzaileak; hasi haur-hezkuntzan eta bukatu unibertsitatean. Azkenean, hezkuntza pribatua bultzatzeko asmoz, hezkuntza publikoa kaltetzeari gogoz ekin diozue.

Eta zer esango dugu osasungintza publikoari buruz? Beti Nafarroako osasungintza publikoa eredugarria izan bada ere, orain zer gertatzen ari da? Gaixoekin, beraien senideekin, profesionalekin jolasten ari zaretela. Berdin izan zaizue osasungintza publikoaren profesionalen egoera kaltetzen baduzue. Herritarroi eskaintzen zaigun zerbitzua kaltetzen baduzue.

Osasungintza publikoaren kontra hartutako neurrion bidez denok kontra jartzea lortu duzue, gainera. Autoritarismoz eta inposizioz jokatu duzue. Eta ez da kasualitatea Vera kontseilaria 3 aldiz erreprobatu izana. Bere dimisioa ere eskatu izana.

Murrizketen baitan, gainera, osasungintzako hainbat zerbitzu pribatizatu duzue. Ondorioak begi-bistakoak dira. Ospitaletako sukaldeekin egin duzuena larria baino larriagoa da. Eskandalagarria da. UPNk eta Barcinak zuzentzen duzuen Gobernuak pertsonekiko duzuen arduragabekeriaren adibide ikusgarri bezain larria da.

Sukaldeen pribatizazioaren aferan ez ezik, beste arlo askotan ere zuen ardura eta erantzukizuna ezkutatu nahi izan dituzue, Madrilen hartzen diren erabakiak direlakoan. Madrilek agintzen du eta UPNk men egiten du, ondorioak kontuan hartu gabe. Baina, PPren politika ekonomikoaren bat zatozte, langileen eskubideak murriztearekin bat zatozte, pribatizazio politikekin bat zatozte.

Pero al mismo tiempo que el Gobierno de Barcina y UPN ha sido y es incapaz de hacer frente a esta situación económica y sigue arruinando cada vez más a la sociedad navarra, ustedes no han tenido ningún problema para seguir con sus obras faraónicas e inútiles.

Un derroche de dinero que, aunque lo hayan hecho siempre, no se justifica de ninguna manera. Y mucho menos ahora donde la gran carga está cayendo en los hombros de la mayoría de la sociedad. Ese es el modelo social y económico de UPN. No centrado en las personas, sino en el clientelismo, en el desarrollismo exacerbado y en la especulación.

Y cómo no hablar de Caja Navarra. El ejemplo paradigmático de la manera de gestionar de UPN. Cuando toda la sociedad ha visto y ha padecido cómo han dilapidado la Caja de Ahorros de Navarra, ustedes siguen diciendo que era un proceso inevitable. Y ni tan mal, dicen. Pero la realidad, y la consecuencia más nefasta de todo este proceso escandaloso, es que han hecho desaparecer el instrumento financiero más importante que ha tenido Navarra para su desarrollo en los últimos 100 años. Y cuando más falta hace, para impulsar la actividad de autónomos, de Pymes. Se les llena la boca hablando de emprendimiento, y ustedes les han negado una de las vías fundamentales de financiación.

¿Y qué responsabilidad tienen ustedes en este proceso? Toda la responsabilidad.  Ustedes, en teoría, cobraban por mejorar, impulsar, dinamizar la Caja de Ahorros de Navarra. Por mantenerla a flote, en definitiva. Pero el resultado no ha podido ser peor. Se han cargado la CAN.

Es imposible hablar de la CAN sin hablar de las dietas, sin hablar de los sobresueldos que altos cargos de UPN como el expresidente del Gobierno de Navarra, Miguel Sanz, el exconsejero de economía, Alvaro Miranda, el actual alcalde de Iruñea, Enrique Maya y la misma presidenta del Gobierno de Navarra, Yolanda Barcina han estado cobrando por pertenecer a una junta fantasma. Una junta fantasma compuesta por la ya conocida “banda de los cuatro”. Vaya cuadrilla.

Cuando todavía no se nos han olvidado los nombres de Urralburu o de Roldan, vemos como las sospechas de corrupción no han desaparecido de la política navarra. Han utilizado sus cargos públicos para su lucro personal. Creando un sistema de reuniones y de cobro de dietas exclusivamente ideado para el beneficio propio. Yo me lo guiso, yo me lo como. Y se atreven a decir que todo era por Navarra. Un insulto a la inteligencia y a la sociedad navarra.

Mientras pedían sacrificios a la ciudadanía, esa misma ciudadanía se ha enterado gracias a la prensa y a iniciativas populares de este grave escándalo. De que ustedes se auto-convocaban a reuniones dobles o triples, con suculentas dietas, para no tomar decisiones, o dejar que otros las tomaran. Y es ahora cuando mejor se entiende el empecinamiento de UPN y PSN de rechazar sistemáticamente una comisión de investigación. Tenían y tienen ustedes mucho que ocultar.

Señora Barcina, es lamentable que tres de esos altos cargos de UPN estén imputados por corrupción y sigan contando con el apoyo de su partido. Es muy grave que el Alcalde de Iruñea siga en su cargo estando imputado por corrupción. Y es inaceptable que usted, señora Barcina, siga aferrándose al poder, al sillón, entre otras cosas para no perder su condición de aforada. Para no ser imputada. Sí, para no ser imputada. Dígalo.

Bi urte bete gabe du zuen Gobernuak eta, dagoeneko, konfiantza mozioa aurkez zenezan premiatu zintugun; zure dimisioa eskatu genizun, eta kontseilari batzuen jarduera ere gaitzetsi ditugu. Hau marka! Hala ere temati jarraitzen duzue, dimisioaren eskaera zabal honi kasu egin gabe.

Parlamentu honek eskatu zizun konfiantza mozioa aurkezteko, baina jaramonik ez. Parlamentu honek ere zure dimisioa eskatu du; baina jaramonik ez. Kalean gobernuaren dimisioa eta hauteskundeak deitzeko deia gero eta zabalagoa bada ere, jaramonik ez. Nola edo hala Gobernuan jarraitu nahi duzu, aulkiari ongi helduta.

Ongi helduta eta Parlamentuan hartzen ditugun erabakiak aintzat hartu gabe. Parlamentu honen gehiengoaren erabakiak errespetatu gabe. Adibideak? Kopagoaren legea, funtzionarioen 14. soldata bermatuko zuen legea, abortorako eskubidea osasungintza publikoan ez bermatzea, etabar, etabar… UPNren ustez, demokrazia da zuek nahi duzuena besteok egin dezagun. Eta horrek izen asko ditu, baina hori ez da demokrazia.

Zoritxarrez, ohituegi zaudete agintzen. Zuen erabakiak nola edo hala ezartzen, zuen borondatea ezartzen. Eta ezarpen politika honi “nahikoa da” esan  dio nafar jendarteak. Eta, geuk ere, “nahikoa da” esaten diogu.

Eta azkenean, azken 30 urteotan ereindako haziaren uzta jasotzen ari zarete. Arrazoi hauengatik guztiengatik aurkeztu dugu zentsura mozioa. Zuek sortutako egoera larri honek bukatu behar duelako. Hitzetatik ekintzetara pasa behar delako. Ezin garelako besoak gurutzatuta geratu. Erresignaziora kondenatu nahi gaituzuen honetan, geuk ez dugulako amore emango.

Arduraz eta erantzukizunez jokatu dugu zentsura mozioa aurkeztuz. Nafarroako jendartearekiko dugun ardurak bultzatu gaitu urrats hau ematera. Jendarteak ere ez duelako amore ematen.

Jakin, badakizue, ekimen honek aurrera ez egitekotan, lanean jarraituko dugula Nafarroan aro berri bat irekitzeko asmoz. Eta hori da, benetan, zuen kezka nagusia. Izan ere, badakigu, eta zuek ere badakizue, gaur ez dela ezer amaituko. Aitzitik, badakizue gehiengo berriak sendotzen jarraituko dugula. Amore eman gabe. Gu ez gaude ohituta erresignazioan bizitzen. Eta ez gaude prest Nafarroako jendarteari erresignazioz bizi dadin eskatzeko.

Nafar jendarteak Gobernu honen zigorra ez jasateko eskubidea duelako. Nafarroako jendarteak beste egoera batean bizi ahal izatea merezi duelako, eta horretarako eskubidea duelako. Eta aldaketa politiko sakona behar duelako. Eta ez izan zalantzarik guk hori lehenbailehen gauza dadin lanean tinko segituko dugula.

 Iruñean, 2013ko apirilaren 18an

Zentsura mozioa erregistratu dute EH Bildu osatzen duten Aralar-Nabaik eta Bilduk

Api 05 2013
nafarroa
0 Comments
EH Bilduk iragarri bezala Aralar-Nabai eta Bildu Nafarroa talde parlamentariek zentsura mozioa erregistratu dute gaur. Hautagaia Juan Carlos Longas izango da eta berak azaldu duenez, zentsura mozio honen helburua hau da: Nafarroako Parlamenturako hauteskundeak deitzea, herritarrek  Nafarroaren etorkizuneko norabide politikoari buruzko iritzia eman dezaten.

Zentsura Mozioaren testua:

NAFARROAKO PARLAMENTUKO MAHAIARI

Behean sinatzen dugun parlamentariok, Nafarroako Foru Eraentza Berrezarri eta Hobetzeari buruzko Lege Organikoan eta Nafarroako Parlamentuko Erregelamenduan xedatuarekin bat, ondoko ZENTSURA MOZIOA proposatzen dugu, Nafarroako Gobernuari eta bere lehendakariari erantzukizun politikoa exijitzeko xedez:

ZIOEN AZALPENA

Nafarroak krisi sozial, politiko eta ekonomiko sakona bizi du; izan ere,  larriak dira atzeraldi ekonomikoa eta produkzio-ehunaren suntsiketa, langabezia gora egiten ari da eta nabarmen narriatzen ari dira oinarrizko zerbitzu publikoak eta gizarte-prestazioak. Ondorioz, gero eta handiagoa da gizarte-haustura, desberdintasunak areagotzen ari baitira elkartasunaren eta gizarte-justiziaren kaltetan, gure gizartean orain arte ezezagunak izan diren pobreziaren eta gizarte-bazterketaren tasek erakusten dutenez.

Egia da egoera nazioarteko krisi ekonomikoari zor zaiola hein batean;  baina, orobat egia da, eta ez txikiagoa, egungo Nafarroako Gobernuak darabiltzan politiken ondorio zuzena dela, jardun publikoa eta aurrekontu murrizketak egoeraren agente aktibo eta nagusia direlako. Horri guztiari gehitu behar zaio mozkinak sortzen ahal dituzten oinarrizko zerbitzu publikoak pribatizatzeko joera; esate baterako, osasungintza eta hezkuntza. Horrek, jakina, zerbitzu horien kalitatea areago narriatzea ekarriko du, pertsona eta gizarte-talde ahulenen kaltetan bereziki. Eta hori guztia ideia eta ikusmolde ideologiko hutsak aplikatuta egiten ari dira, inolako oinarririk gabe, nahiz eta behin eta berriro frogatu den, ideia eta ikusmilde horiek aplikatu izan diren tokietan, ez direla eraginkorrak eta are kaltegarriak direla. Hortaz, egungo politikak mantentzen baldin badira, langabezia areagotzea besterik ez da lortuko, pobrezia eta desberdintasunak areagotzea, egiturazkoak bihurtzeraino, errotiko aldaketa bat egin ezean.

Gogorarazi beharra dago, halaber, Barcina andrea gehiengo osoarekin hautatua izan zela. Gaur egun, aldiz, egoera oso bestelakoa da: koalizio gobernua 2012ko ekainean hautsi zen, gobernuak ez dauka gehiengorik, ez da gai izan 2013rako aurrekontuak onets daitezen lortzeko, eta Legebiltzarraren gehiengoa bere ekimenak aldiro baztertzen ari da. Hartara, Nafarroak halako egoera ekonomiko eta sozial larri horri egin behar dio aurre, baina Gobernua paralizatuta daukagu, noraezean eta eragiteko gaitasunik gabe.

Are gehiago, esajeratzeko beldurrik gabe esan dezakegu Nafarroako gizarteak zur eta lur ikusi duela Nafarroako Kutxaren bilakaera, berez desagertzerainokoa; eta eskandalizatuta bizi ditu Kutxaren gobernu-organoak direla-eta ikerketa judiziala ematen ari den emaitzak. Jokabide ustez irregularrak dira, zeinetan nahasita ageri baitira UPNko kide garrantzitsuak; besteak beste, Nafarroako Gobernuko lehendakari ohi bat eta Iruñeko alkatea, eta baliteke Barcina andrea bera ere ukitzea.

Premiazkoa da, beraz, egoera hori aldatzea, eta zentsura mozioa da Parlamentuak horretarako eskueran daukan tresna bakarra, zeren Gobernuko lehendakariak entzungor egin baitio Legebiltzarrak egin zion dimisio-eskaerari berari ere.

Horregatik guztiagatik, behean sinatzen dugun parlamentariok ZENTSURA MOZIO hau aurkezten dugu, eta JUAN CARLOS LONGÁS GARCÍA jaunaren hautagaitza aurkezten dugu, zeinak onartu egin baitu hautagai izatea. Zentsura mozio honen bidez oinarrizko konpromiso hauek hartzen ditugu:

1-. Nafarroako Parlamenturako hauteskundeak deitzea, herritarrek  Nafarroaren etorkizuneko norabide politikoari buruzko iritzia eman dezaten.

2-.Gobernu askotariko eta oinarri politiko zabaleko bat eratzea, Nafarroako kontuen egoera zein den jakiteko, azken urteotan gobernuek egindako jarduketen gardentasuna ziurtatzeko, aurrekontuak berrikusteko eta oinarrizko zerbitzu publikoetan azken urteotan egindako murrizketa sozialen ondoriorik dramatikoenak eta berehalakoenak zuzentzeko.

Iruñean, 2013ko apirilaren 5ean

Bakartxo Ruiz: badago bestelako eredurik, badago bestelako aukerarik, badago alternatibarik

Ots 21 2013
nafarroa
0 Comments

Nafarroako Parlamentuan enpleguaren inguruko Osoko Bilkuran Bakartxo Ruizek adierazi du “Egoeraz ekonomiko zail honi aurre egiteko eredu bakarra dagoela sinestarazi nahi digutela. Ez dagoela alternatibarik: defizitari eusteko xede bakarraz, murrizketak eta langileen kontrako neurriak ezartzea. Eta horrek zein ondorio duen jakin badakizue: pobrezia eta langabezia. Beraz, eredu horretan oinarrituta, ezin da, inondik inora, kalitatezko enplegua sortzeko proposamen sinesgarririk egin. Baina badago bestelako eredurik, badago bestelako aukerarik, badago alternatibarik.”

Bakartxo Ruiz parlamentariaren diskurtso osoa:

PLENO MONOGRAFIKOA ENPLEGUA. 2013 OTSAILAK 21

Barcina anderea, Presidente izendatu zintuzten egunean esan zenituenen artean badago bat ahaztu ez zaiguna: hauxe enpleguaren legegintzaldia izanen zela. Zure ahalegin guztia jarriko zenuela zeregin horretan. Guk ez dugu zalantzan jarriko ahalegina egin duzunik. Guk garbi duguna da asmo horretan, beste hainbatetan bezalaxe, zure gaitasunik eza nabarmen geratu dela. Porrot egin duzue. Porrot egiten ari zarete.

Baina hori aldez aurretik ere bazenekiten. Krisialditik irteteko betiko “errezetak” inposatzen dizkigute Madrildik, eta berdinak ezartzen dizkiguzue Nafar Gobernutik. Politika horiek defizitari eustea beste oinarririk ez dute. Eta jakin, badakizue, horren ondorioa zein den: milaka pertsona, milaka familia, pobrezian uztea.

“Errezeta” horren baitan kokatzen dira lan erreforma eta murrizketak. PPren eta UPNren errezeta hori da. Aldez aurretik jakinda enplegua suntsituko duela. Jakinda lan harremanen ereduaren desmantelamendua eta prekarizazioa eta langile klaseak lorturiko hainbat eskubide eta lorpen murrizteko ekarriko duela. Eta erabat kontziente zarete hartzen dituzuen neurriek enpleguan eragin zuzena dutela. Beraz, auzo-lotsa ematen du patetismo horrekin langabetuez, jendartearen pobretzeaz hitz egiten duzuenean.

Ikusi besterik ez dago zuen politikaren ondorioak zeintzuk diren:

Langabezia etengabe gora doa: Hego Euskal Herrian 2008. urte hasieran 105.158 langabe izatetik 2013 urte hasieran 221.027 langabetu izatera igaro gara. Nafarroan zentratuta, azken datuen arabera, une honetan 55.597 pertsona daude langabezian.

Datuen ibilbidea xeheagoa aztertzen badugu: Nafarroan 2007ko azken hiruhilekotik 2012ko azkenekora %400 igo da langabezia tasa. Estatuko joerarik okerrena. %4,29 izatetik, %17 baino gehiago izatera.

Adinari begiratuta, bereziki kezkagarria da gazteen egoera. 25 urtetik beherako gazteen erdia, %50,94, langabeturik dago. Hain zuzen, langabetuen erdia, 28.000, lehenengo lanpostua bilatzen ari direnak dira.

Generoari begiratuta ere, emakumeenganako diskriminazioak indarrean dirau: jarduera tasa txikiagoa da, langabezia tasa handiagoa, aldi partzialeko enpleguaren %84 emakumeek burutzen dute, behin behinekotasun tasa altuagoa da, gizonezkoek baino %28 gutxiago irabazten dute… Gainera, ezin ditugu ahaztu merkatu beltzean inolako eskubiderik gabe lan egiten duten hainbat eta hainbat langile, gehienak emakumeak eta etorkinak; beren lanpostuak galtzen ari dira inolako babes motarik gabe.

Hauxe da, beraz, egoera. Eta egoera honek, arestian esan bezala, baditu bere kausak. Eta hori aztertzea inportantea da, benetako konponbideetara jo nahi badugu. Ez du balio, krisiaren aitzakiapean, krisia arinduko denean enplegua sustatuko dela esatea. Eta, bitartean, enplegua suntsitzen eta prekarizatzen duen politika ezartzea.

Barita magikorik ez, baina soluziobideak egon, badaude. Lehenik eta behin, politika fiskal propioa eta justua definitzea. Horretarako gaitasuna badugu. Zer erantzukizun hartu duzue UPNk eta PSNk? Eta horrekin batera, gobernuan egon zareten alderdiok urteotan ezarri duzuen xahutze politika etetea, sangria hori etetea.

Gure instituzioen eta administrazioaren sendotasuna dago jokoan.

Eta nafar herritarron ongizatea eta bizi kalitatea daude jokoan.

KAUSAK ETA SOLUZIOBIDEAK

1. ENPLEGU POLITIKA, ENPLEGU PLANAK

. Lehenik eta behin, orain arteko enplegu planak, Moderna Plana eta halakoen porrota onartu egin behar da. Plan partzialak, klientelistak, baztertzaileak izan dira.

. Horrekin batera, orain arteko kontzertazio sindikalerako ereduaren porrota aitortu eta urteotan CENek urteotan eraman duen milioikada ere begirada kritikoz aztertu beharra da.

. Eta azkenik, ekonomia soziala ez da behar bezala babestu eta sustatu. Jendarteratzeko zentroak (Centros de Inserción Social-CIS) edo Tailer Eskolen proiektuak sustatu beharrean, murrizketak ezarri dira, horrelako hainbat ekimen itxiarazi arte.

Eta huts egin duten politika hauen aurrean, zeintzuk dira gure proposamenak?

. Hasteko, esan gabe doa Lan Harreman eta Gizarte babeserako esparru propioa aldarrikatzen duela BILDUk. Madrildik datozen lege eta lan erreformei, lana suntsitu besterik ez egiten dutenak, aurre egiteko neurri eraginkorrena litzateke. Gure ustez, gainontzeko euskal lurraldeekin harreman ekonomikoak ezinbestez izan beharko genituzke, baita enplegu planak burutzeko ere.

Azken batean, Nafarroak bere enplegu politika definitzeko eskumena izan behar dugu.

Eta badugu aukera bestelako enplegu planak abian jartzeko: akordio zabalak, anitzak eta integralak adosteko bideak ezartzeko, parte hartze marko irekien bidez, eragile sozial eta sindikal guztiekin. Alegia, badugu eskumena Nafarroako garapena helburu izango duen Enplegu Plan erabat ezberdina abian jartzeko, eremu publikotik zuzenean kudeatua, eta eskualde bakoitzeko eragile sozialekin adostua eta Nafarroako industria-sarean inbertsio publikoa sustatuko duena. Horretarako eskumena, izan badugu. Borondate politikoa besterik ez da behar.

. Bestalde, ekonomia soziala eta kooperatibak sustatzeko urratsak ematea ezinbestekoa da. Enplegu soziala eta babestutako lanpostu sozialak bermatzen dituzten egiturak babestu, bultzatu eta garatu behar ditu. Eta hori Jendarteratzeko zentroekin, Tailer Eskolekin eta Ekonomia Sozialarekin harremanetan dago. Orain arteko murrizketa politikak zerbitzuok kolokan jarri dituztenez, azpiegitura hauek mantentzea ezinbestekoa da.

. Inbertsiorako eta enplegua sortzeko egiturazko funts bat sortzea. Funts hori parte-hartze instituzionaletik, ekono­mikotik eta sindikaletik kudeatuko litzateke, bere jardueretan ebaluagarria eta gardena izango litzateke, eta planifikazio publiko eta sozialetik gidatuko litzateke. Funts hori, zein helburuz? I+G+B arloko baliabide publikoak optimizatzea, inbertsio produktiboa sustatzea, energia aurreztea, lanbide prestakuntza hobetzea eta lan merkatuan sartzeko zailtasunik handienak dituzten kolektiboak merkatu horre­tatik kanpo geratuko ez direla bermatzea.

2. FINANTZIAZIOA

. Nafarroako jendarteak, enpresek eta autonomoek zuten finantza tresna inportanteena desagertu da azkeneko urteotan: Nafarroako Aurrezki Kutxa. CANen desagerpenak bertako enpresa eta autonomoei kreditua eten egin die, hein handi batean. Krisi momentu honetan, inoiz baino beharrezkoa izanen zen tresna xahutu, pribatizatu eta desagertarazi duzue.

. Egoera honek agerian uzten du finantziazio sistema publiko baten beharra. Aurrezki publikoa behar sozialetara eta inbertsio produktibo propiora bideratzea ahalbidetuko duen finantza sistema publiko propioa sortu behar da. Eta hori gauzatzeko bidea gaurdanik urra daiteke.

3. FORMAZIOA eta I+G+B

. Hezkuntzan eta formazioan, murrizketak eta murrizketak besterik ez dugu ezagutu azken urteotan. Bai oinarrizko hezkuntzan, bai unibertsitate mailan, bai langileentzako zein langabetuentzako etengabeko formazioan… Etorkizuna zein da? Kualifikatutako gazteak kanpora lanera joatea, eta gure langileria esku-lan merkea, kualifikaziorik gabea izatea?

. Honen aurrean, argi eta garbi, gure ustez, gure langileen balore gehigarria formazioak izan behar du. Hezkuntza sistema sendoa, indartsua. Eta hor murrizketek ez daukate tokirik. Aitzitik, hezkuntzan inbertsio publikoa sustatu egin behar da.

. Lanbide Heziketaren sustapena ere ezinbestekoa da. Eta horretarako, ikuspegi integrala jorratu beharko litzateke: akordio berriak sinatzea administrazioaren, sindikatuen eta enpresa­buruen artean, lanbide prestakuntzaren arloan gaur egun dauden sistemak (lanerakoa, arau­tua eta etengabea) integratuko dituen Lanbide Heziketa eredu berri bat eraikitzeko. Bertako eta inguru hurbileko beharrei egokituko zaiena.

. Eta, horrekin batera, etengabeko formazioa bermatuko duen plana abian jartzea ezinbestekoa da, sektore publikotik, LHko zentroetan emango dena.

. I+G+Bari dagokionez, argi dago arlo publikoan ez dela nahikoa inbertsiorik egiten. Badira gaurdanik abian jar daitezkeen proposamenak. Esaterako, zaintza teknologiko eta adimen zerbitzua sortu. Enpresa txiki eta ertainak informazioa lanabes estrategiko gisa erabiltzeak daukan ga­rrantziaz sentsibilizatzea. Eragile adituen parte hartzearekin infor­mazio estrategikoaren arloko arazoak konpontzen lagunduko lukeen balio sare gisa jokatzea. Enpresa txiki eta ertainen neurriko In­formazio Estrategikoko Zerbitzuak diagnostikat­zea eta ezartzea, enpresei funtsezkoak diren arloetan beren ingurua aztertzen laguntzeko, berrikuntza enpresariala eta aurrea hartzeko gaitasuna sustatuz.

4. ADMINISTRAZIO PUBLIKOA

. Eta gastu publikoa murrizteko aitzakiaz, administrazioa arintzea da ezarri duzuen beste errezeta. Murrizketak. Pribatizazioak. Etengabeko enplegu galera, inoizko ERErik handiena. Enplegu publikoa suntsitzearen helburua sektore pribatua sustatzea besterik ez da. Hortxe dugu, azken hilabeteotan Enpresa Publikoen adibidea ere.

. Europan aurreratuen diren herrialdeekin konparatuz oso enplegu publiko gutxi dugu; are gehiago, Europako bataz bestekoaren azpitik ere bagaude. Gastu publikoa ere oso azpitik dago, hau da, Europako herrialde hauetan askozaz ere diru hornidura handiagoa egiten da zerbitzu publiko orotan (hezkuntza, osasun zerbitzuak, administrazio, zerbitzu sozialak eta soziokomunitarioak, …).

. Enpresa pribatuei dagokionez, azken urteotan itsu-itsuan onartu ditu administrazioak EEEak.

Honen aurrean, gure jarrera argia da:

. Administrazioak enplegu sortzaile izan behar du. Horregatik, murrizketa politikak geldiarazi behar dira enplegu publikoaren defentsan. Osasungintza, hezkuntza eta politika sozialetan ematen ari diren murrizketak eten eta lanpostu galera sorrarazi baino, enplegu publiko duinaren mesedetan jarri. Eta horretan, administrazioak sektore feminizatuak bereziki zaintzeko betebeharra dauka. Ez da hori Nafarroako Gobernuak egin duena (murrizketak garbitasunean, sukaldeak…)

. Ospitaleetako sukaldeen adibidea, hain zuzen, egin behar ez denaren adibide garbi da. Zerbitzu publikoetan kudeaketa zuzena bultzatu behar da, pribatizazioak bertan behera utziz.

. Eta enpresa pribatuaren alorrean, ahal den neurriak EEEak gelditu behar dira. EEEak onartzeko neurriak gogortu eta inspekzio zorrotza ezartzea.

. Eta, bestetik, edozein diru-laguntza publiko enplegu duina sortu eta mantentzeari baldintzatu behar zaio. Kontratu eta esleipen publikoetarako oinarrizko irizpidea, enplegua mantentzea eta hitzarmen probintziala betetzea

5. EKOIZTEKO ETA KONTSUMITZEKO EREDUA.

. Ekonomia subiranotasuna zein elikadura eredu burujabe eta osasuntsua bermatu behar da, gure ustez. Eta horretarako, lehen sektorea estrategikotzat hartu eta bere iraunkortasuna bermatu beharra dugu. Nola?

Abeltzaintzaren eta nekazaritzaren iraunkortasuna ziurtatuko duten politikak abian jarriz, horre­tarako beharrezkoak diren bitarteko publikoak ziurtatuko direla, I+G+Bkoak barne.

. Alegia, nekazaritza eta abeltzaintza in­dustrial eta intentsiboa elikadura burujabetzan oinarritutako eredua ahalbidetzeari begira jarri behar ditugu. Eta hartara, neurri zehatzak har daitezke:

. Nekazaritzan jende gehiagok lan egin dezan laguntzea. Horretarako, Langileria sektorera erakarriko duen formazio eta lan baldintza egokiak bermatu behar dira eta gure produktuei balio erantsia emango dioten komer­tzializaziorako bide eta egitura berriak ireki.

. Ekoizle, merkartari eta kontsumitzaile zikloak ahalik eta laburrena izan behar du honek hauxe bermatzen baitu: kontsumitzaileak jaten duenaren gaineko kontrol handiagoa edukitzea, garraioaren ener­gia-gastuak ekiditea, ekoizlearentzako prezio hobeak eta produktuaren kalitate handiagoa izatea.

. Komertzioa. Bertako komertzioa, eta be­reziki txikia bultzatu eta babestu beharra dago: komertzio elkarteekin elkarlana bultzatuz, te­knologia berrietarako urratsak lagunduz, ber­tako produktuak lehenetsiz, herriko bizitza in­dartzen duten ekimenak bultzatuz, sektoreko langileen eskubideak babestuz (ordutegiak, jaiegunak)…

6. LANAREN ETA ONDASUNAREN BANAKETA

Ez dago esan beharrik krisiaren ondorio kaltegarrienetako bat gizarte desberdintasunen hazkundea izan dela. aberatsak gero eta aberatsagoak dira eta pobreak geroz eta pobreagoak.

. Murrizketek eta orain arteko politika fiskalak ere desberdintasun horiek areagotu dituzte. Honen aurrean, lehenik eta behin, egungo politika fiskala eta aurrekontu politika desberdintasun horiek arintzera eta murriztera bideratu beharko ltzateke.

. Lana eta aberastasuna banatzea ere ezinbestekoa da. Hartara, hori bermatuko duen legea abian jar genezake. Honen bidez, lanaldiaren laburtze orokorrera jotzeko eta enple­gua banatzeko bideak urratu beharko genituzke, administrazio publikotik abiatuta. Eta, jakina, aparteko orduak ere ezabatuz.

. Eta ondasuna banatzeko bide horretan, Europako Gutun Sozialaren parametroe­tan kokatutako lanbide arteko gutxieneko soldata ezartzea (1075 euro)

Hauxe da egungo egoeraz egiten dugun diagnostikoa eta egiten ditugun proposamenak. Egoeraz ekonomiko zail honi aurre egiteko eredu bakarra dagoela sinestarazi nahi diguzue. Ez dagoela alternatibarik: defizitari eusteko xede bakarraz, murrizketak eta langileen kontrako neurriak ezartzea.

Eta horrek zein ondorio duen jakin badakizue: pobrezia eta langabezia. Beraz, eredu horretan oinarrituta, ezin da, inondik inora, kalitatezko enplegua sortzeko proposamen sinesgarririk egin. Baina badago bestelako eredurik, badago bestelako aukerarik, badago alternatibarik. Horixe saiatu gara azaltzen.

Goñiren agerraldiaren ondoren ere Nafarroako Kutxaren inguruko Ikerketa Batzordea beharrezkoa da

Ots 20 2013
nafarroa
0 Comments

Atzoko agerraldiaren ondotik, geure buruari egiten diogun galdera ondokoa da, eta orain zer? Geuk konbentzimendu osoa dugu; baliabidea, gertatutakoa ezagutu eta aldi berean erantzukizunak eskatzeko tresna, Ikerketa Batzordea da. Dei egiten diegu Legebiltzar honetako talde guztiei, baita orain arte ukatu direnei ere, Ikerketa Batzorde bat eratzeko babesa ematera.

Goñik 13 ordutan zehar zazpi edo zortzi aldiz gauza bera errepikatu zuen behin eta berriro. Kontrastatu ezin den informazioa eman zigun ahoz eta esaten ari zena egia edo gezurra den ziurtatzen ahal zuten paperak eta informazioak emateari uko egin zion.

Parlamentarioek egin zizkioten hainbat galdera erantzuteari uko egin zion, Nafarroako kaleetan egon badauden galderak. Nafarroako jendarteak Nafarroako Kutxarekin zer gertatu den jakin nahi du; nola desagertu den. Izan ere, nahiz eta Goñik behin berriz esan Kutxa izan badela, bizirik dagoela, mundu guztiak daki Nafarroako Kutxa zena, finantza entitatea zena, jada ez dela existitzen. Ez da existitzen. Nahiz eta nahi duen aldiro errepikatu ez da berpiztuko.

Goñi Jaunak, datak, urteak nahieran erabili zituen. Beti berari komeni zitzaion garaiko datuak erabili zituen.

Beste gauza batzuen artean, zazpi edo zortzi aldiz errepikatu zituen zenbait obra sozial, nahiz eta horietako asko bera Kutxako Zuzendari izan aurretik sortutakoak izan; Isterria, Udalekuak…

Ezinezkoa ematen du pentsatze hutsak 12 urtetan horrelako sarraskia egin zitekeenik; hainbesteko kaltea Nafarroa eta bere ekonomiari. Bestalde, ez genuen entzun autokritika zantzurik ere eta asko zaindu zuen bere burua behin ere ez aipatzeko ez Barcina eta ez Sanz.

Atzo argi geratu zen, agerraldiaren formatuak ez duela balio, ez dela nahikoa behar bezala gauzak argitzeko eta erantzukizunak eskatzeko. Ez zuen balio izan zalantzak argitzeko. Gauza bakarrerako balio izan zuen, zalantza guztiak argitzeko ikertzen jarraitu behar dela agerian uzteko.

Parlamentuari dagokio zer gertatu den jakiteko ikertzea. Nafarroako Kutxa izan dena desagertzea ezin da arinkeriaz aztertu gabe utzi. Nafarroako Kutxa proiektu ekonomiko askoren motorra izan da, izaera publiko nabarmenarekin gainera. Kudeaketa makurragatik desagertu da eta hori ikertu egin behar da.

Eta orain zer? Horixe da galdera. Atzo ordezkari politiko batzuen azalpen batzuk entzun genituen esanaz, agerian justifikatzen zuten ikertzen ez jarraitzea. Beste batzuek, PSN kasu, zalantzak zituzten. Goñiren agerraldiaren aurretik ez zen ulertzen PSNren jarrera epela, baina, orain agerraldiaren ondotik ez da inolaz ere ulertzen.

Geuk konbentzimendu osoa dugu; baliabidea, gertatutakoa ezagutu eta aldi berean erantzukizunak eskatzeko tresna, Ikerketa Batzordea da. Dei egiten diegu Legebiltzar honetako talde guztiei, baita orain arte ukatu direnei ere, Ikerketa Batzorde bat eratzeko babesa ematera.

Bilduko hautetsiek Mapa Lokalaren aldaketa aztertzeko udal batzarrean parte hartuko dute

Ots 14 2013
nafarroa
0 Comments

Hainbat udalek eta kontzejuk bilera deitu dute hurrengo larunbaterako, otsailaren 16rako, Berriozarren.

Udal eta kontzeju hauen esanetan “udal eta kontzejuen iritziak eta proposamenak aintzat hartu gabe, Nafarroako Mapa Lokala aldatzea oso kaltegarria izanen da gure herrien ongizate eta garapenerako.”

Batzar hau deitu duten hautetsiek azpimarratu dute, “udalek eta kontzejuek batzartu behar dugula, gure kezkak komunean jarri eta parte hartzeko prozesu irekia abian jar dezagun. Horrela, udalen eta kontzejuen iritziak jasotzeko.”

Bilduren hautetsiak bat datoz irakurketa honekin eta gainontzeko udal hautetsiei dei egiten diete batzar honetan parte hartzera eta, horrela, denon artean inposaketarik gabe eta herrietako biztanleen benetako beharrei erantzunen dien mapa lokal berria egin.